«Жас натуралистер» факультетте «Ашық есік» күні ұйымдастырды.

әл-Фараби атындағы Қазақ ұлттық университеті, Биология және биотехнология факультеті, Биоалуантүрлілік және биоресурстар кафедрасының оқытушыларынан және «Жас талап» орталығының ұйымдастыруымен қаланың әртүрлі мектеп оқушыларынан жиналған «Жас натуралистер» топтарымен факультетте «Ашық есік» күні ұйымдастырылды.

Бірінші қазақ-орыс мектептерінің оқушыларына биомузей қызметкерлері екі тілде таныстыру жұмыстарын жүргізді. Сондай-ақ факультетте биотехнология кафедрасын доцент, б.ғ.к. С.Б. Оразова, Молекулалық биология және генетика кафедрасын PhD Б. Джолдыбаева, С.М. Тайпакова, Биофизика және биомедицина кафедрасын доцент, б.ғ.к. Л.Қ. Бақтыбаева, б.ғ.к., оқытушы М.С Құлбаева Биоалуантүрлілік және биоресурстар кафедрасын PhD Б.А. Умбаев таныстырып, арнайы зертханаларды көрсетіп, әр бағыттағы ғылыми-зерттеу жұмыстары жайлы таныстырды. Барлық зертханалардағы жұмыстар жайлы әр кафедрадан арнайы оқытушылар шақырылып, 535 аудиторияда бұл іс-шара жалғасын тапты. Биоалуантүрлілік және биоресурстар кафедрасынан профессор К.Ә. Дәуітбаева, доцент Г.К. Сатыбалдиева, Н.З. Ахтаева оқытушылар Н.С. Сапарғалиева, Н.Б. Баймурзаев, С.Е. Шарахметов, Г.Ж. Орманова; Биотехнология кафедрасының доценті С.Б. Оразова кафедраның ғылыми бағыттары және мектеп оқушыларымен жүргізілген жұмыстар жайлы айтып өтті. Сондай-ақ, Биоалуантүрлілік және биоресурстар кафедрасының меңгерушісі, б.ғ.д., профессор С.С. Айдосова, доцент Н.З. Ахтаева және оқытушы А.Т. Мамурованың жетекшілігімен жұмыс жасаған Греция мемлекеті, Кипр қаласында болған ғылыми жоба бойынша бас жүлде иегері № 126 мектеп-гимназиясының оқушысы Закен Айгерим сөз сөйлеп, өзінің жасаған ғылыми жұмысымен таныстырды. Мұндай іс-шара мектеп оқушыларын университетімізде білім алуға қызығушылығын арттыру мақсатында, ғылыми жобалармен мектеп жасынан айналысуға бағытталып өткізіліп отыр. Факультетте өткізілген «Ашық есік» күнін ұйымдастыруға өз үлесін қосқаны үшін факультет деканы, б.ғ.д., профессор Т.М. Шалахметоваға, кафедра меңгерушісі б.ғ.д., профессор С.С. Айдосоваға, факультет биомузейімен таныстыруға көмектескен биомузей директоры Қ.С. Мусабековке, жетекші мамандар А.Б. Жардамалиеваға, Р.К.Чингисоваға үлкен алғысымызды айтамыз.

Биология және биотехнология факультеті

биоалуантүрлілік және биоресурстар кафедрасы

«Жас талап» орталығы