Студенттердің шығармашылық жыр кеші

әл-Фараби атындағы Қазақ Ұлттық Университеті, Биология және биотехнология факультетінде «Көмек» еріктілер қоғамының ұйымдастыруымен Дінмұхамед Ахметұлы Қонаевтың туғанына 100 жылтолуына арналған Студенттердің шығармашылық жыр кеші болып өтті.

Оған биоалуантүрлік және биоресурстар кафедрасы доценті Н.З.Ахтаева, оқытушы А.Т. Мамурова кураторлық топтары студенттері және молекулалық биология және генетика кафедрасы доценті Қ.С. Көшкімбаев қатысып, сайыста төрелік жасады. Жарысқа жиналғандар Димаш Ахметұлының туғанына 100 жыл толуына байланысты көркем сөз және шығармашылық туындылардан жарыстар ұйымдастырылып, арнайы орындар және сыйлықтар таратылды. Атап айтатын болсақ көркем сөз оқудан 2-курс студентттері Перизат Тлеубеккызы, Ғазиз Жүнісов, Айжан Құралбеккызы, 1-курс студенті Әсем Жұбатхан өз өнерлерін ортаға салса, шығармашылық өнерден 2-курс студенті Тоғжан Алиева, Мадияр Сабырбаев, 1-курс студенті Айгерім Көшкімбай, Дәулет Сейдаханов өз шығармашылық жыр жолдарын ортаға салды. Кеш соңында Дінмұхамед Ахметұлы Қонаевқа арнайы даярланған видеобаян көрсетіліп, сайыскерлерімізді жеңістерімен құттықтап, арнайы алғыс хаттар тапсырылды. Еліміздің тарихындағы ірі тұлға, мемлекет және қоғам қайраткері, Қазақстан Компартиясы Орталық Комитетінің бірінші хатшысы Дінмұхамед Ахметұлы Қонаевтың туғанына 100 жыл толуына байланысты еске алу мақсатында жасалынған шығармашылық кешті ұйымдастырған «Көмек» еріктілер ұйымына үлкен рахметімізді айтамыз.

Биология және биотехнология факультеті

биоалуантүрлік және биоресурстар кафедрасы