Екі университеттің бірлесуімен жақсы демалыс ұйымдастырылды
«Қош бол қыс, Қош келдің көктем» атты кураторлық топтардың ұйымдастыруымен мерекелік іс-шара өткізілді. Аталмыш мерекелік іс-шараға биология және биотехнология факультеті, биоалуантүрлік және биоресурстар кафедрасы меңгерушісі б.ғ.д., профессор С.С.Айдосова, доценттер және оқытушылардың «Бөлме өсімдіктері», «Ботаник» үйірмесі, «Жас талап» орталығының мүшелері және Іле-Алатау МҰТП Медеу филиалының эколог-ағартушысы Р.Сембаева және тағы басқа қызметкерлері, Қазақ Ұлттық аграрлық университет оқытушылары мен студенттері қатысты.
Мерекелік іс-шара Алматы қаласы, Іле-Алатау «Аю-сай» тау шатқалында болды. Жарысқа жиналғандар әл-Фараби атындағы Қазақ Ұлттық Университеті студенттерімен Қазақ Ұлттық аграрлық университет арасында қысқы спорт, ұлттық ойындарынан, әртүрлі жарыстар ұйымдастырылып, арнайы орындар және сыйлықтар таратылды. Атап айтатын болсақ, аппақ қарда арнайы шанамен сырғанаудан жарыста 1-орынды әл-Фараби атындағы Қазақ Ұлттық Университеті жеңіп алды, арнайы қаппен жүгіруден 1-курс студенттері жеңіске жетті. Сондай-ақ, табиғат аясында студенттер өз топтарымен би жарыстарында ұйымдастырып, өз өнерлерін ортаға салды. Қазақстан көп ұлтты мемлекет болғандықтан, біз басқа ұлттардың да салт-дәстүрлерін бағалауға тиіспіз. Сол себептен осы мерекелік іс шара соңында орыс халқының ұлттық мерекесі Қысты шығарып салу және көктем мерекесі «масленица» мерекесінің аталып өтіп жатқандарын студенттерде тамашалады. Мерелелік іс-шара соңында Іле-Алатау МҰТП Медеу филиалының ұйымдастыруымен жасалынған дастархан мәзірінен студенттерге арнайы тағамдар берілді. Осындай мерекелік іс-шараға студенттерді тасымалдауға арнайы автобус бөлгендері үшін Университетіміздің басшыларына, табиғат аясында «Салауатты» өмір салтына арналған іс-шара ұйымдастырып қысқы спорт түрлеріне арналған құралдарды (шана, шаңғы, ат) тегін бергендері үшін Іле-Алатау МҰТП Медеу филиалының басшыларына үлкен алғысымызды білдіреміз.
Биология және биотехнология факультеті
биоалуантүрлік және биоресурстар кафедрасы
Басқа жаңалықтар
