Биология және биотехнология факультетіндегі кафедраларды таныстыру мақсатымен №7 студенттер жатақханасында жүргізілетін «Ашық есік күні» кеші 2011 жылы 15 наурызда биофизика және биомедицина кафедрасының меңгерушісі, профессор С.Т.Төлеухановтың басшылығымен кафедра оқытушылары мен қызметкерлері ұйымдастырды. Кафедраның тарихымен, ұжымымен, ғылыми бағыттарымен таныстыра отырып кафедра меңгерушісі, б.ғ.д., профессор С.Т.Төлеуханов қазіргі таңда Египеттің университеттерімен (Каир қ.), Ресейдің медико-биологиялық проблемалар институтымен (Мәскеу қ.), РҒА клетка биофизикасы институтымен (Пущино қ.), Израилдің Бен-Гурион университетімен (Негев қ.), ҚР БҒМ Адам және жануарлар физиологиясы институтымен, тағы басқаларымен жүргізіліп жатқан бірлескен ғылыми зерттеулері жөнінде мәліметтер берді. Доцент, м.ғ.к. А.Б.Еланцев қазіргі таңдағы Нобелев сыйлығымен марапатталған биология және биомедицина салаларындағы жетістіктері жөнінде сұхбаттаса, кафедраның оқу-әдістемелік және тәрбие жұмыстары бойынша меңгерушінің орынбасары, б.ғ.к., доцент Н.Т.Абылайханова кафедрада ұйымдастырылған «Хронобиология» орталығының, клубтар мен үйірмелердің, Студенттердің ғылыми-зерттеу жұмыстарымен таныстырды. Студенттер ғылыми бағыттағы жұмыстары бойынша кафедра оқытушыларына сұрақтарын қойып, қызығушылық танытты. Кештің соңында 2 курс эдвайзері, кафедраның доценті А.Ә.Маутенбаев студенттерімен інжу-маржан сөздермен көңіл көтеріп, ән-салайық деп концерттік қойылымдарын кештің қонақтарына тарту етті.
