«Ақ қауырсын» атты студенттік жұмыстардың фестивалі

2008 жылдың 8 қазанында 14. 00-де әл-Фараби атындағы ҚазҰУ-дың журналистика факультетінде студенттердің шығармашылық конкурсы өтеді. Конкурстың басты шарты студенттердің жазғы өндірістік тәжірибесі негізінде жарияланған материалдары мен телерадио хабарларының ең үздігін таңдап, марапаттау. Биыл жазғы өндірістік тәжірибеден үш жүзге жуық студент өтті. Осыған орай өткізілгелі отырған «Ақ қауырсын» конкурсында «Алтын қауырсын», «Алтын микрофон», «Үздік менеджер», «Үздік дизайнер», «Үздік Интернет газеті», «Үздік видеосюжет» атты номинациялар бойынша іріктеліп, қарастырылады. Бұл фестивальдің жюри мүшелері құрамында журналистика факультетінің жастар комитеті мен мәслихаты, Қазақстан Республикасы БАҚ-ның редакторлары бар. Фестивальде студенттердің театр қойылымы мен эстрада жұлдыздарының концерті қойылады. Бәріңізді журналистика факультетінде күтеміз!