«Хабар» агенттігі журналистерімен кездесу болып өтті

2009 жылдың 24 ақпанында әл-Фараби атындағы ҚазҰУ-дың журналистика факультеті «Хабар» агенттігінің белді журналистерімен кездесу өткізді. Факультет студенттердің теориялық және тәжірибелік жағынан терең білім беруді алдыңғы орынға қойып, Қазақстан бұқаралық ақпарат құралдарында еңбек етіп жүрген тәжірибелі журналистердің шеберлігін үзбей оқытып келеді.
Кездесу барысында «Хабар» агенттігі ұжымы өздерінің құрылу тарихы мен бүгінгі тыныс-тіршілігі, қазіргі тележурналистерге қойылатын талап-шарттар туралы қызықты оқиғалармен баяндап берді. «Хабар» агенттігінде жұмыс істеп жүрген белді журналистердің көпшілігі журналистика факультетінің түлектері болғандықтан дөңгелек үстел барысында өз тәжірибелері туралы біршама ойларын баяндап, пікір бөлісті.
Агенттік журналистері факультеттің оқу жүйесімен танысып шықты. Кездесу соңында студенттер «Хабар» агенттігінің белді журналистері С.Федоров, А. Мүкей, Г. Беденко, С.Аббас-шах, Р.Кертаевтардың шеберлік сыныбына қатысып, өздеріне біршама мәліметтер жинақтап қайтты.