"Қазақпарат" ұлттық ақпарат агенттігі

28 Наурыз 2012, 23:34

Алматыда жас ғалымдардың ғылыми оқулары өтеді

АЛМАТЫ. 28 наурыз. ҚазАқпарат - Алматыда наурыздың 30-ы күні Әл-Фараби атындағы ҚазҰУ-нің шығыстану факультетінде танымал шығыстанушы Вениамин Юдинді еске алуға және Қазақстан Республикасының шығыс әлемімен орнатылған дипломатиялық қатынастардың 20 жылдығына арналған ХII жас ғалымдардың «Қазақстан және шығыс елдері: тарих және қазіргі заман» атты тақырыпта ғылыми оқулар өтеді.

Шараның ұйымдастырушылары - ҚР БҒМ ҒК Р.Б. Сүлейменов атындығы Шығыстану институтының жас ғалымдар кеңесі мен Әл-Фараби атындағы ҚазҰУ-нің шығыстану факультетінің жас ғалымдар кеңесі.

Ғылыми оқулар барысында "Қазақстанның шығыс әлеміндегі елдермен арадағы саяси-экономикалық және этникалық байланыстары", "Тәуелсіз Қазақстанның Шығыс елдерімен өзара қарым-қатынастары: дипломатия, саясат, экономика", "Қазақстанның шығыс елдерімен арадағы мәдени-өркениеттік өзара қарым-қатынастары: өткені мен бүгіні", «Еуразиядағы шығыстану мектептерінің өзара қарым-қатынастары мәселелері, жаңа қазақстандық исламтану ғылымы» атты тақырыптар талқыланбақ. Баяндамалар тақырыбы әр кезеңдегі түрлі салаларға қатысты мәселелерді қамтиды.

Шара барысында В.П. Юдиннің әр жылдары жариялаған еңбектерінің және конференция тақырыбы бойынша кітаптар көрмесі ұйымдастырылатын болады.