ҚазҰУ ректорына Ахмет Байтұрсынов атындағы орден табыс етілді

Әл-Фараби атындағы Қазақ ұлттық университетінің Ректорат мәжілісінде Қазақстан Республикасының Жоғары оқу орындары қауымдастығының президенті Рахман Алшанов ҚазҰУ ректоры Ғалым Мұтановқа «Қазақстанның білім және ғылым жүйесінің дамуына қосқан айырықша үлесі үшін және жоғары білікті мамандарды дайындаудағы ерен еңбегі үшін» Ахмет Байтұрсынов атындағы орденді табыс етті.

Рахман Алшанов аталмыш орден тұңғыш рет беріліп тұрғандығын атап, өз кезегінде бұл орден ҚазҰУ ұжымының, басшылығының еңбегіне деген жоғары бағаны анықтайтындығын жеткізді. Бұл кезекте Ғалым Мұтановтың қазақ тілді оқулықтарды шығаруға және шетелдік беделді ғалымдардың оқулықтарын қазақ тіліне аударуға бірінші болып ерекше қолдау көрсетіп отырғандығын жеткізді.