21 қыркүйек күні ҚазҰУ студенті қатарына қабыладу рәсімі өтеді

21 қыркүйек күні Әл-Фараби атындағы Қазақ Ұлттық университетінде Ө.А.Жолдасбеков атындағы Студенттер сарайының алаңында жыл сайын дәстүрлі түрде өтетін 1 курс студенттеріне арналған «Студенттік қатарға қабылдау» салтанатты кеш өтеді.

Мерекелік іс-шараға Алматы қаласының әкімі Ахметжан Есімов, Ақсақалдар кеңесінің мүшелері, ҚазҰУ түлектері және өнер жұлдыздары қонақ ретінде шақырылып отыр.

Жалпы салтанатты мерекенің негізгі мақсаты – бірінші курсқа жаңадан келген жас жеткіншектерге терең білім мен өнегелі ұрпақ болып қалыптасудың алғашқы баспалдақтарымен таныстыру. Ректор Ғ.М.Мұтановтың бастамасымен «Айналаңды нұрландыр!», «ҚазҰУ – green campus» т.б университетімізде өтіп жатқан акциялар мен жалпы ҚазҰУ-дағы студенттік өмірдің жан-жақты қырлары түрлі композициялық би-қойылымдарымен көрсетіледі. Барлық факультеттерден студенттер «Ғылым», «Толқын», «Спорт» композицияларына қатысады. Сонымен қатар «Алтын белгі», «Олимпиада жеңімпаздарының» шеруі өтеді. Сондай-ақ, жиналған көпшілікке Студенттер клубының өнерлі жастары әсем әннен шашу шашып, мың бұралған бишілер билері мен «Фараби сазы» ұлт-аспаптар оркестрінің ерекше туындыларын көрермен назарына ұсынбақшы. Салтанатты кеш Қазақстан эстрадасының өнер жұлдыздарының концертіне және жастардың би кешіне ұласады деп күтілуде.

Басталуы: 18.00