Күзгі семестрде шетелдік жоғары оқу орнында білім алу (120 күн)

Қазақстан Республикасы Білім және ғылым министрлігінің 2012 жылғы 20 сәуірдегі № 175 бұйрығына сәйкес әл-Фараби атындағы ҚазҰУ-дың Академиялық Мәселелер жөніндегі Департамент Академиялық ұтқырлық бөлімі ҚР БҒМ-нің «Шетелдік жоғары оқу орнында семестрді өткізу» (120 күн) атты бағдарламасын жүзеге асыруда. ҚР БжҒМ тарапынан әл-Фараби атындағы ҚазҰУ-ға екі жақ шетке жол ақысын, медициналық сақтандыруды, виза шығындары мен 120 күнге тұру ақысын өтеуді көздейтін 90 шәкіртақылық орын бөлінді.

Академиялық ұтқырлық жағрафиясы Еуропалық Одаққа кіретін Болон үдерісіне мүше-елдер: Австрия, Бельгия, Болгария, Ұлыбритания, Германия, Греция, Дания, Ирландия, Испания, Италия, Кипр, Латвия, Литва, Люксембург, Мальта, Нидерланды, Польша, Португалия, Румыния, Словакия, Словения, Финляндия, Франция, Чехия, Швеция, Эстония, сондай-ақ Америка Құрама Штаттарын қамтиды.

Академиялық ұтқырлық бағдарламасына факультеттерде конкурстық іріктеуден өткен сабақ үлгерімі жоғары және шет тілдерін еркін білетін бакалавриаттың 2-4 курс студенттері мен 2 курс магистранттары қатысады.

Академиялық ұтқырлық бөлімі