ҚазҰУ құрама командасы чемпион атанды

Кеше Н.Сац атындағы жасөспірімдер театрында Қазақстан КВН Одағының ұйымдастыруымен Алматы қалалық Супер лига чемпионатының финалдық бәсекесі өтті. ҚазҰУ құрама командасы осы сайыста өте жоғары көрсеткішпен чемпион атанды.

«ҚазҰУ құрамасы» жақында ғана Астана қаласында өткен ұлттық КВН ойындарында да жетістікпен оралған еді. Сонымен қатар осы финалдық бәсекеде университетімізден енді-енді биіктерді бағындырып жүрген «Элит.kz» командасы да қатысқан еді. Олар да өз нәтижелі еңбектерін көрсетіп, үшінші орынға ие болды. Барлық КВН жанкүйерлерінің атынан командаларға алдағы уақытта да сәттіліктер тілейміз.

Студенттер клубы