ҚазҰУ-дың ректоры Ғ.Мұтанов алтын медальмен марапатталды

Жоғары мектеп Халықаралық ғылым академиясы Президиумының Шешімімен (ЖМ ХҒА) әл-Фараби атындағы ҚазҰУ ректоры, академик Ғалым Мұтанов «Білім және ғылым саласындағы көрнекті еңбегі үшін» атты атаулы алтын медальімен марапатталды. Жоғары марапатты ол Орта-Азиялық аймақ бойынша алғашқы болып иеленді. Академия мүшелері арасында мұндай марапатқа ие болған заманауи ғалымдардың арасында Нобель сыйлығының иегері Ж.И.Алферов бар.

«Бұл жоғары марапат – Ғалым Мұтановтың жаңашыл ғалым, бірнеше инновациялық жоба авторы, ірі университет жетекшісі ретіндегі еңбектерінің үлесі. Біз шын ниетпен әл-Фараби атындағы ҚазҰУ-дың ректорын құттықтап, алдағы уақытқа жетістіктер мен өрлеу тілейміз, - деп атады, Мәскеуде өткен салтанатты марапаттау барысында Академия Президенті Валентин Шукшунов.

Академия өз қатарында әлемнің 47 елінен 1350 ірі әрі танымал ғалымдардың сондай-ақ, 155 ЖОО мен ғылыми орталықтардың басын қосатын халықаралық беделді ұйым болып табылады. Сонымен бірге ЖМ ХҒА қызметі әртүрлі елдердің соның ішінде, алдымен, ТМД қатысушы-мемлекеттерінің білім жүйесін жақындастыру мен интеграциялауға бағытталған. Академия университеттік білімді дамыту мен қалыптастыруда жаңа идеялар мен жаңаша бағыттарды ілгерілетуге ерекше көңіл аударады.

ҚазҰу-дың Баспасөз қызметі