Студенттер назарына! Дәстүрлі «Студенттік көктем - 2013» байқауына қатысыңыз!
«Студенттік көктем - 2013» байқауы 2013 жылдың 1 ақпаннан 29 наурыз аралығында үш кезеңде өтеді. Байқауға тек әл-Фараби атындағы қазақ ұлттық университетінің студенттері мен колледж студенттері қатыса алады.
Бірінші кезең: Іріктеу кезеңі. Әрбір факультеттен қатысатын өнерлі жас алдымен ұйымдастыру комитетіне 10 ақпанға дейін stud.vesna_2013@mail.ru почтасына өтініш жіберіп, тіркелуі керек (1 үлгі, қосымша).
Аталған өтініште номинацияның және орындалатын нөмірдің аты, орындаушының аты-жөні, факультеті толық жазылуы қажет. Егер топтық орындау болса, барлық қатысушылардың толық аты- жөні көрсетілуі қажет.
Электронды өтініш берген барлық студенттер 11-15 ақпан аралығында төменде көрсетілген номинациялар бойынша Студенттер сарайында «Жастар рухани орталығында» өтетін 1-кезеңге қатысады. Биылғы жылдың ерекшелігі әрбір номинацияға бір күн беріледі. Студент өзі қатысатын номинацияға сол күні қалаған уақытында келіп, өнерін көрсете алады.
11 ақпан. Ән байқауы, сағ. 10.00.-18.00. Эстрадалық ән, домбырамен дәстүрлі ән, топтық орындауда ән, авторлық ән.
12 ақпан. Бишілер байқауы, сағ. 10.00.-18.00. Халық биі (топтық), заманауи би (топтық), классикалық би (топтық) музыка классика.
13 ақпан. Музыкалық аспаптарда орындаушылар байқауы, сағ. 10.00.-18.00. Келесі аспаптарда музыкалық шығармаларды жеке орындау: домбыра, фортепиано, гитара, аккордеон, баян , скрипка, қобыз, саксофон т.б.
14 ақпан. Поэзия және жүргізушілер байқауы, сағ. 10.00.-18.00. Жас ақындар, үздік жүргізуші.
15 ақпан. Ерекше жанр, сағ. 10.00.-18.00. (Таңқаларлық өнер көрсету. Мысалы, цирк, фокус, акробатика т.б.)
16 ақпан. Ең үздік Көңілді тапқырлар командаса (КВН), сағ.10.00.-18.00. Бірінші кезеңнің қорытындысы бойынша байқауды ұйымдастырушылар мен әділ-қазылар «Студенттік көктем - 2013» байқауының екінші кезеңіне, яғни финалға өтетін студенттерді анықтайды.
Екінші кезеңнің өткізілуі: Финал.
Екінші кезең 15 наурыз күні Ө.Жолдасбеков атындағы Студенттер сарайының сахнасында өтеді. Белгілі өнер жұлдыздарынан құралған әділ-қазылар алқасы факультеттер бойынша жүлдегерлерді анықтайды. Сонымен қатар номинациялар бойынша жеке орындаушылар мен топтық орындаушылар марапатталады.
Факультеттердің сахнаға шығу реті жереби арқылы анықталады.
Үшінші кезең: Жеңімпаздарды марапаттау рәсімі және Гала-концерт. 2013 жылдың 29-наурыз күні сағ. 18.00-де Ө. Жолдасбеков атындағы Студенттер сарайында өтеді.
Әділ-қазылар алқасы
Қазақстан Республикасының мәдениет және өнер қайраткерлері, вокал
және аспаптық музыка мамандары әділ-қазылар алқасын құрайды.
Орындаушылардың бағасы 5 - балдық жүйемен белгіленеді.
Байқауға қатысушыларға қойылатын талап: әртістік өнер және музыкалық қабілет; орындаушылық мәдениет; шеберлік; регламент қадағалау; жүргізушілер шеберлігі.
Әрбір концерттік нөмір жеке бағаланады. Қойылған баға факультет ұжымының пайдасына жазылады. Әрбір номинация бойынша ең үздік орындаушы, ең үздік факультеттер анықталады.
«Студенттік көктем - 2013» байқауының жеңімпаздары демеушілер тарапынан бағалы сыйлықтармен, дипломдармен марапатталады.
Қосымша ақпарттар алу үшін байланыс телефондар:
8707390 97 90, 8702264 7779
Студенттер клубы.
Басқа жаңалықтар
