Д. Эссамамбо Италиядағы әлем кубогында күміс жүлдегер атанды

Биология және биотехнология факультетінің 1 курс студенті, конькиймен жүгіруші Дарсиль Эссамамбо – Италияда өткен жастар арасындағы Әлем Кубогында 500 метр қашықтықта күміс жүлдеге ие болды.

Жастар арасындағы Әлем Кубогының бесінші кезеңі Италияның Базельга-ди-Пин шағын қалашығында өтті. Аталған жарысқа біздің елімізден екі спортшы - Дарсиль Эссамамбо және Юрий Генцелев қатысқан. 500 метр қашықтық дистанциясында Д. Эссамамбо өзінің қарсыласы голландиялық Гербен Йоритсмге ғана ұтылып екінші орынды иеленді.

Әл-Фараби атындағы ҚазҰУ студенті, алматылық конькиймен жүгіруші Дарсиль Эссамамбо жастар арасындағы Әлем Кубогының қорытынды үшінші кезеңін аяқтады. Алдағы уақытта біздің болашағынан үміт күттіретін спортшымызды нәтижелеріне сай жүлделі орын иеленуге айтарлықтай мүмкіндік беретін Әлем Кубогы финалы күтіп тұр.

Саған сәттілік тілейміз, Дарсиль!

Дене тәрбиесі және спорт кафедрасы мен ҚазҰУ спортклубы.