ҚазҰУ мен Вестфаль Вильгельм университеті ынтымақтастықты нығайтуда

2012 жылдың 19 желтоқсаны мен 2013 жылдың 18 қаңтары аралығында Вестфаль Вильгельм университетінің шақыруымен Германиядағы Мюнстер қаласында ҚазҰУ-дың дүние жүзі тарихы, тарихнама және деректану кафедрасының меңгерушісі Қ.Т. Жұмағұлов болып қайтты.

ҚазҰУ профессоры сапар барысында баяндамалар оқыды, сонымен қатар белгілі ғалым-профессорлар – Тарих институтының директоры (Historisсhes Seminar) В. Древспен, профессор М. Кинтцингер, доктор Т. Типпахпен және т.б. кездесті.

Кездесу барысында профессор Қ.Т. Жұмағұлов Вестфаль Вильгельм университетінің басшылығы және профессорларымен білімді интернационализациялау, студенттер мен оқытушы-профессорлар құрамының академиялық ұтқырлығы, оқыту мақсатында екі елдің дипломын, халықаралық сертификаттарды беру мәселелерін талқылады.

Профессорлар В. Древс, М. Кинтцингер мен Қ.Т. Жұмағұлов жаңа 2013 жылдағы Ғылыми Кеңестің бірінші мәжілісінен кейін

Орта ғасырлар тарихы бойынша профессор М. Кинтцингермен кездесу

Латын тілінің оқытушысы, доктор А. Мюллермен Вестфаль университетінің кітапханасындағы сирек кездесетін деректер қоры алдындағы кездесуі

Дүние жүзі тарихы, тарихнама және деректану кафедрасы