«Қазақ журналистикасы тарихын зерттеу мен даму үдерісінің өзекті мәселелері» атты Халықаралық ғылыми-тәжірибелік конференция өтеді

2013 жыл 1 ақпан, сағат 10:00-де әл-Фараби атындағы Қазақ ұлттық университеті журналистика факультеті Т. Қожакеев атындағы мәжіліс залында Қазақстан Журналистер Одағы, Қазақстан Журналистика Академиясы, Бас редакторлар клубы қолдауымен 2013 жылы 1 ақпанда «Қазақ» газетінің 100 жылдығына және қазақ руханиятының ұлы тұлғасы, ұлт ұстазы Ахмет Байтұрсыновтың туғанына 140 жыл толуына орай «Қазақ журналистикасы тарихын зерттеу мен даму үдерісінің өзекті мәселелері» атты Халықаралық ғылыми-практикалық конференция өтеді.

Ғылыми конференция барысында ХХ ғасыр басындағы қазақ баспасөзі, қазақ журналистикасы тарихы, Алаш баспасөзінің ұлттық сананы оятудағы қызметі, «Қазақ» газетінің ұлттық баспасөз дамуындағы орны, сондай-ақ ұлт санаткері Ахмет Байтұрсыновтың қоғамдық-саяси һәм мәдени-ағартушылық қызметіне арналған мәселелер талқыланады.

Баспасөз және электронды БАҚ кафедрасы