Әл Фараби атындағы ҚазҰУ Таллорес Халықаралық жоғары бiлiм институттары қауымдастығының мүшесі болды

Таллорес Ассоциациясы (The Talloires Network, http://talloiresnetwork.tufts.edu/) Тафтс университеті жанындағы жоғары бiлiм институттарының халықаралық қауымдастығы болып табылады. Бүгінде ассоциация құрамына жалпы саны 6 миллионнан астам студент бар әлемнің 62 елiндегi 247 университет кіреді. Халықаралық қатынастар факультетiнің бастамасымен және Мичиган университетiнің шақыруы бойынша (АҚШ ) ҚазҰУ Talloires Network ассоциациясына қабылданды және ҚазҰУ үшін арнайы сайт парақшасы жасалды (http://talloiresnetwork.tufts.edu/al-farabi-national-university-kazakhstan/).

«Университет бұл ұйымға енуде көп жұмыс жасады. Ұйымға ену Қазақстанның және әлемдік ғылыми-білім беру кеңістігінде ҚазҰУ-дың имиджін көтереді, студенттер мен оқытушылардың академиялық алмасуды арттырып, оларға көптеген зерттеу жұмыстарына қатысуға мүмкіндік береді», – дейді халықаралық қатынастар факультететінің деканы Кәрімжан Шәкіров.

Ассоциация мүшелерi қатарында АҚШ-тың үздік университеттері бар (Американдық Университет, Джорджтаун Университетi, Джордж Вашингтон Университетi, Мичиган Унивесрситетi, Дьюк Университетi, Нью-Йорк Университеті, Сиракуз Университетi, Тафтс Университеті және басқалары)