«ҚазҰУ студенті оқуға тиісті 100 кітап» атты жобасы аясында философия ғылымдарының докторы Б.Қ.Бейсеновтың «Қазақ ойшылдары дін туралы» атты кітабының тұсаукесері өтті

27 ақпан дінтану және мәдениеттану кафедрасы магистранттарының эдвайзері Н.К.Альджанованың ұйымдастыруымен «ҚазҰУ студенті оқуға тиісті 100 кітап» атты жобасы аясында философия ғылымдарының докторы Б.Қ.Бейсеновтың «Қазақ ойшылдары дін туралы» атты кітабының тұсаукесері өтті. Аталған іс-шараға әл-Фараби атындағы ҚазҰУ Ғылыми кітапхана «ҚазҰУ студенті оқуға тиісті 100 кітап» жобасына кіретін 100 кітап сөресін ұйымдастырды.

Дөңгелек үстелде студенттер 100 кітап қорымен танысып, осы жоба аясындағы әр халықтың тарихы, мәдениетімен, 100 кітап авторлар еңбектерін талқылап, сонымен қатар философия ғылымдарының докторы Б.Қ.Бейсеновтың «Қазақ ойшылдары дін туралы» атты жарық көрген кітабы көпшіліктің назарына ұсынылып, автор, рецензенттер ой-пікірлерімен бөлісті.

Дінтану және мәдениеттану кафедрасы

Философия және саясаттану факультеті