"Айқын" республикалық қоғамдық-саяси күнделікті газет

«Кенжеғали Сағадиев» – ел назарында

Әл-Фараби атындағы ҚазҰУ-да «Өнегелі өмір» сериясымен мемлекет және қоғам қайраткері, белгілі ғалым, экономика ғылымдарының докторы, профессор, академик К.Сағадиевтің 75 жылдығына орай мақалалар мен сұхбат­тар, ғылыми айналымға алғаш енгізіл­ген мұрағат құжаттары, фотосуреттер, сон­дай-ақ замандастарының, достарының лебіздері топтастырылған «Кенжеға­ли Сағадиев» атты кітап тұсаукесері өтті.


– Білім қарашаңырағы ҚазҰУ-да еліміздің білім-ғылым саласын дамытуға зор үлес қосқан халқымыздың біртуар азаматы – Кенжеғали Әбенұлының өмір жолы, ғылыми мұрасы өскелең ұрпақ­қа өнеге болар деген ниетпен осы кітапты университетімізден ұсынып, жастармен кездестіріп отырмыз. Жастарға тәрбие беру жолында осы «Өнегелі өмір» жо­басын қолға алдық, – деді ҚазҰУ рек­­торы Ғ.Мұтанұлы. ҚазҰУ-дың үздік студент­тері «К. Сағадиев» атындағы шәкіртақы иегерлері ізгі тілектерін, бұл кітапта бі­лімді тек өз пайдаңа емес, ел дамуына жұмсау керектігі айтылғандығын, экономика саласын зерттеуші жас ғалымдарға да берері мол басылым екенін айта кетті. Тұсаукесерге ар­найы К.Сағадиевтің шығармашылығынан кітап көрмесі ұйымдастырылып, университеттің оқытушы-профессор­лық құрамы мен студент, магистрант­тар қатысты.

Ершай ӘЗІРЕТ