Шетелдік студенттер тіл меңгеруді шыңдай түсті

Жоғары оқу орнына дейінгі білім беру факультетінің жоғары оқу орнына дейінгі дайындық кафедрасында ауған тыңдаушылары мен оралман тыңдаушылары топтарында «Біздің университет» тақырыбында ашық кураторлық сағат өткізілді.

Аталмыш кураторлық сағатты кафедраның куратор-эдвайзерлері Г.Ж.Кәкішева, Ж.Т.Абдуллаева, С.С.Сүлейменова, З.А.Қасымова ұйымдастырды. Кураторлық сағаттың басында тыңдаушылар университет тарихы туралы баяндама жасады. Тақтада шетелдік тыңдаушылардың жадында қалуы үшін алдын ала баяндама мәтініндегі кейбір сөздер мен сөз тіркестері жазылды.

Тыңдаушылар «Әл-Фараби атындағы ҚазҰУ», «Біздің элита», «Университетке – 75 жыл» және т.б. университет пен факультет тарихы туралы жазылған кітаптармен танысты. Тақырыпты қабылдау үшін тыңдаушыларға университет туралы бейнеслайдтар көрсетілді. Әрбір слайдқа тыңдаушылардың өздері түсінік беріп отырды. Осылайша шетелдік тыңдаушылар өз даярлықтары мен орыс тілін жақсы меңгергендігін көрсетті. Олар орыс тілінде университет туралы өлеңдер оқыды, оқу-білім туралы мақал-мәтелдерді естеріне түсірді.

Кураторлық сағатты пысықтау үшін университет тарихына байланысты викториналық сұрақ-жауап ойыны өткізілді. Кураторлық сағат барысында барлық тыңдаушылар белсенділік танытты.

Жоғары оқу орнына дейінгі білім беру факультеті