"Заң" республикалық күнделікті газет

Біз оқуға тиіс 100 кітап

Соңғы кезде әлеуметтік желі арқылы ақпарат алмасуды жеңіл көретін жастардың кітап оқуды міндет санамайтынын жиі байқаймыз. Содан болар, әлемдік классика, отандық ақын-жазушылар тудырған құнды дүниелері кітапхана сөрелерінде шаң басып тұр.

Рухани байлығымызды бағалату мақсатында жақында әл-Фараби атындағы Қазақ ұлттық универ­ситетінде жаңа жоба дүние­­ге келді. Еліміздегі жоғары оқу орындарының көшбасшысы санала­тын университетіміз жан-жақты білімді маман дайындау үшін «ҚазҰУ студенті оқуға тиісті 100 кітап» ат­ты жобаны қолға алып, алғашқы шараларын бастап та кетті. Саясат, құқық, философия, мәдениет, әдебиет салаларының үздік туындыларын іріктеп студенттер назарына ұсын­ған ұйымдастырушылар жаңа шық­қан кітаптарды да таныстыруды назардан тыс қалдырған емес. Бұл жолы жастарға қажетті 100 кітаптың сөресін дінтану және мәдениеттану кафедрасының магистранттары ұйым­дастырып, онда философия ғылымдарының докторы Б.Бейсенов­тың «Қазақ ойшылдары дін туралы» атты кітабының тұсаукесері өтті. Жаңа кітаптың маңыздылығымен таныстырған ұйымдастырушылар кітап авторына сауалдар қойып, толыққанды жауап алды.

Нұрлыхан АЛЬЖАНОВА,
әл-Фараби атындағы
Қазақ ұлттық
университетінің оқытушысы