"Қазақ радиосы" жаңалықтар тізбегі

Әл-Фараби атындағы Қазақ Ұлттық университетінің ректоры Ғалымқайыр Мұтанов Францияның «Пальма бұтағы» академиялық орденінің иегері атанды. Академикке орденді табыс еткен Алматыдағы Франция елшілігінің Бас консулы Гийом Наржол екі ел арасындағы білім саласын дамытудағы Ғалымқайыр Мұтановтың ерен еңбегін атап өтті. Жалпы, жылдан-жылға Қазақстан мен Франция мәдениет, білім және ғылым салаларында қоян-қолтық жұмыс істеп, жаңа жобаларды қолға алуда. Мәселен, Ұлттық университет бүгінде Францияның 10 жетекші оқу орындарымен тығыз қарым-қатынаста.