"Қазақпарат" ұлттық ақпарат агенттігі

Әл-Фараби мен Ө.Жолдасбеков ескерткіштеріне гүл шоқтарын қою рәсімінен басталған бұл шараның салтанатты жиыны Ө.Жолдасбеков атындағы Студенттер сарайында жалғасты.

«Түлектерге қарап, жоғары оқу орнының деңгейі анықталады. Біздің түлектер мәдениетті, бәсекеге қабілетті. Біздің қарашаңырақ ҚазҰУ-дың бүгінгі түлегі сіздерге қарап бой түзейді. Ұрпақ сабақтастығы деген осы», - деді құттықтау сөзінде университет ректоры Ғалым Мұтанов.

Іс-шара барысында университеттің дамуы мен гүлденуіне өз үлесін қосып, демеушілік көрсетіп жүрген түлектерді жоғары оқу орнының басшысы ҚазҰУ-дың Құрмет грамотасымен марапаттады. Ал биыл университетті бітіргендеріне 15, 20, 30 жыл толып отырған түлектер өздері білім алған факультеттерінің үздік студенттеріне арнайы шәкіртақылар тағайындап, сый-сияпат жасады. Сондай-ақ оқу озаттары, үздік спорт шеберлері мен белсенді зерттеушілер, үздік өнерпаздар мен үздік бітіруші топ студенттері де түрлі марапатқа ие болды.