Бұл шараға филология ғылымдарының докторы, профессор Жоғары мектеп академиясының академигі Тұрсынбек Кәкішұлы, Алматы қаласы Тілдерді дамыту, мұрағаттар және құжаттама басқармасының директоры Бекет Тұрлымбеков, Қазақ ұлттық университетінің оқытушылары мен студенттері қатысты.
Кешті филология ғылымдарының докторы, профессор, Жоғары мектеп академиясының академигі Тұрсынбек Кәкішұлы ашып, мерекемен құттықтады. Факультет деканының ғылыми-инновациялық қызмет және халықаралық байланыстар жөніндегі орынбасары Есімова Жұлдыз Дапенқызы сөйлеп, факультет деканы, профессор Гүлмира Қазыбекқызының құттықтауын оқып берді. Құттықтаулардан кейін студенттердің күшімен дайындалған әсем ән мен тәтті күйлер орындалып, аңыз желісінде қазіргі үлгіде жазылған «Соқыр ана», М. Мақатаевтың «Жоқ, дәрігер» қойылымы көрсетілді.
Марапаттау рәсімін профессор Т. Кәкішұлы жүргізіп, студенттерге ризашылығын білдіріп, өнерлерін ары қарай шыңдай берулеріне тілектес екенін айтты. Өнерімен ерекше көзге түскен студенттерге Мақтау қағазы табысталды.
Басқа жаңалықтар
