Физика-математика ғылымдарының докторы Н. Данаевтың студенттермен кездесуі өтті

Ақпараттық жүйелер мамандығының 1-курс студенттерінің қатысуымен физика-математика ғылымдарының докторы, профессор, ҚР Мемлекеттік сыйлығының лауреаты, Халықаралық инженерлер академиясының академигі, ҚР Білім және ғылым министрлігінен «Еліміздің ең үздік мұғалімі» атағын алған белгілі ғылым және білім қайраткері Н.Т. Данаевпен кездесу өтті.

1 курс студенті Е. Зайтин Н. Данаевтың еңбектері, ғылымда жеткен жетістіктері мен алған марапаттары жайлы презентация жасады. Академик Н. Данаев студенттердің сұрақтарына жауап берді. Кездесу жоғары деңгейде өтті. Мұндай іс-шарані өткізуге мұрындық болған кафедраның А. Самбетбаева, А. Қожанова, А. Сарбасова, Б. Бөрібаев және ақпараттық жүйелер кафедрасының оқытушылары студенттерді білімге, ғылымға деген қызығушылықтарын арттыруда білім нәрімен сусындаған ғалымдармен өткізілетін кездесулердің берері мол деген сенімде.