Әл-Фараби атындағы ҚазҰУ ғылыми-технологиялық паркінде Атырау университетінің мұнай және газ институтынан (АУ МГИ) келген қонақтарды қарсы алды

Әл-Фараби атындағы ҚазҰУ ғылыми-технологиялық паркіне Атырау университетінің мұнай және газ институтының (АУ МГИ) ғылыми жұмыс және халықаралық байланыстар проректоры Дина Диарова және "Нефтехимия" инженерлік профиль зертханасының меңгерушісі Аманжан Сагинаев іс-сапарымен келді. Атырау университетінің мұнай және газ институтының өкілдерінің келу мақсаты ғылыми-технологиялық паркінің инновациялық бағытта даму үрдісіне деген қызығушылықтарымен байланысты болды.

Бизнес-инкубатор және ғылыми орталықтарды аралап, инновациялық жобалардың жоғарғы дәрежеде болуы, университеттің зиялы және жас зерттеушілерінің ғылыми-зерттеулері және тәжірибе-конструкторлық жұмыстарының нәтижелері қонақтарға жағымды әсер қалдырды.