«ҚазҰУ студенті оқуға тиіс 100 кітап» жобасы аясында дөңгелек үстел өткізілді

әл-Фараби атындағы ҚазҰУ кітапханасында Биология және биотехнология факультеті, биоалуантүрлілік және биоресурстар кафедрасының куратор эдвайзерлерінің 1-курс студенттері 13-01 және 13-02 топтарының ұйымдастыруымен «ҚазҰУ студенті оқуға тиіс 100 кітап» жобасы аясында дөңгелек үстел өткізілді.

Дөңгелек үстелді биоалуантүрлілік және биоресурстар кафедрасының меңгерушісі б.ғ.д., профессор Ә.Т. Қанаев ашылу салтанатын бастап сөз сөйледі. Әшімхан Тоқтасынұлы өз сөзінде: «Елдің болашағы жастардың қолында. Кез-келген қазақ баласы Абай Құнанбаевтың өмірін, шығармашылығын, қара сөздерін, «Абай жолы» романын білу керек» - екенін атап өтті. Университетіміздің кітапханасында алғаш өткізіліп отырған дөңгелек үстел сіздердің тараптарыңыздан жоғары дәрежеде өткізілді. Осындай іс-шара өткізу барысында студенттердің жан-жақты болуына, студенттердің топ алдында сөйлеу, шешендік өнер сияқты қабілеттерінің жоғарлауына өз септігін тигізетіндігі белгілі. Дөңгелек үстелдің ауқымды тақырыбы: Абай Құнанбаевтың «Қара сөздері», Мұхтар Әуезовтің «Абай жолы» романы.

Нұрсұлу Зияханқызы студенттермен өз ойын бөлісіп, әдебиеттің қашанда білім нәрімен сусындауда таптырмас байлық екенін, өмірлік азық болатынын, білімді жастар бүгіннен бастап оқуға ден қойып, елдің сенімін ақтар азаматтар болып қалыптасуына әсер ететініне тоқталды. Дөңгелек үстелге студенттер бір кісідей атсалысып, өз ойларын ортаға салды. Түрлі мәселелерді талқылады. Әбдрахман Ақбота, Дігәрбекова Бота, Нокербанова Айдана өздерінің арнайы дайындап келген баяндамаларын оқып, әдемі жасалған презентацияларымен таныстырды. Абай атамыздың өміріне, қара сөздеріне тоқталды. Ондағы негізгі айтылған ойды ортаға салды. Әр түрлі жағдаяттарды түсіндірді. Сонымен қатар кафедра меңгерушісі Ә.Т.Қанаев мырза алдағы уақытта да осындай ауқымды тақырыпта дөңгелек үстел өткізіліп тұруына ұсыныс тастады. Осындай іс-шара ұйымдастырып отырған биоалуантүрлілік және биоресурстар кафедрасының куратор - эдвайзерлеріне, 1-курс студенттері өзіндерінің алғыстарын білдірді.

Биоалуантүрлілік және биоресурстар кафедрасы