Студенттер Жапониядан келген Toyota бірлестігінің жетекшілерімен кездесті

Жапонтану және корейтану кафедрасының студенттері Toyota бірлестігінің Жапониядан келген және осындағы топ жетекшілерімен кездесті. Кездесу кешінің мақсаты жастардың Жапонияға деген көзқарастарын білу, жапон технологиясына қызығушылығын тану мен жаңа технологияны дамытудағы жастардың идеяларын тыңдауға бағытталды.

Жапондық қонақтар жастар қоғамның ең белсенді креативті бөлшегі болғандықтан, жастардың идеясы – болашақтың іргетасы деп атап көрсетті. Студенттер арасында жапон технологиясы мәселелеріне қатысты анкета жүргізілді. Сонымен қатар, Қазақстандағы үлкен қалалы жерлерге, өндіріс орталықтарына халықтың топтануы, Алматыдағы көлік кептелісі сияқты күнделікті өмірдегі өзекті мәселелер талқыланып, ұсыныс-пікірлерді жинақтады. Жапондық қонақтар студенттердің жапон тілін таңдаудағы себептеріне, Жапон және Қазақстандағы білім ағарту саласы мен бітіргеннен кейін жұмысқа орналастыру мәселелеріне көңіл бөлді.Кеш жапон тілінде өткізілді.