17-қараша – Халықаралық студенттер күні
17-қараша – Халықаралық студенттер күні
Ақпараттық жүйелер кафедрасының аға оқытушылары Абенов Б.К., Кожанова А.М., оқытушы Бекетова А.К. ұйымдастыруымен 2013 жылы қарашаның 15 күні №8 студенттер үйінде халықаралық студенттер күніне орай “Best Students” атты конкурс өткізді. Конкурс Ақпараттық жүйелер мамандығының 1-ші курс студенттер арасында топаралық сайыс түрінде болды.
АЖ-13-2а тобынан Ешмұратов Бағдат, Қалжанова Гүлбағира, АЖ-13-2б тобынан Оспан Талғат, Әлібаева Әсем, АЖ-13-3б тобынан Бостан Алтайы, Әбдібек Темірлан, АЖ-13-4а тобынан Нысанова Айгерім, Әмит Нұрбол өз өнерлерін көрсетіп, көрерменнің көңілін бір көтеріп тастады. Конкурста Құрманали Мейрамгүл, Нұрсұлтан Мадияр студенттер күнінің тарихына, студенттердің өмірі жайлы қызықты оқиғаларға тоқталып, кешті өте жоғары деңгейде жүргізді. Конкурс топты таныстыру, өнер, сұрақ-жауап сияқты үш кезеңнен болды. Конкурста топты таныстыру қабырға газеті, топ девизі түрінде өтсе, ал студенттердің өнері ән айту, би билеу, пародия, квн түрінде өтті. Соңғы кезең сұрақ-жауап университетіміздің тарихы, механика-математика факультеті тарихы, логикалық сұрақтар, полиглот, ағылшын тіліндегі сұрақтардан тұрды. Кештің қонағы МКМ мамандығының 1 курс студенті Шәмшінұр ән шырқап, АЖ мамандығының 2 курс студенті Досқазы Бауыржан студенттерді ортаға шығарып ойын ойнатты. Әділқазы мүшелері ретінде Ақпараттық жүйелер кафедрасының профессор-оқытушылары студенттердің өнерін тамашалап, өз бағаларын берді. Әділқазылар 1-ші орын алған АЖ-13-2б топ студенттеріне кинотеатрға билет алып берсе, 2-ші орын алған АЖ-13-4а тобынан Нысанова Айгерім, Әмит Нұрбол, 3-ші орын алған АЖ-13-2 тобынан Оспан Талғат, Әлібаева Әсемді құнды сыйлықтармен марапаттады. Кеш өте қызық, жоғары деңгейде өтті.
Басқа жаңалықтар
