ҚазҰУ студенттері "Жарқын жұлдыз" байқауын өткізеді

27 ақпанда әл-Фараби атындағы ҚазҰУ-дың «Көмек» студенттік еріктілер қозғалысы Биология және биотехнология факультетінде (2 зал, сағ. 14:30) кезекті іс-шара өткізгелі отыр. Мүмкіндігі шектеулі және жетім балаларға арналған мектеп-интернат тәрбиеленушілері арасында «Жарқын Жұлдыз» атты ән-би-аспаптық байқау өткізіледі.

Дәстүрлі түрде бұл айтулы іс-шара өз кезегінде үшінші рет өткізілгелі отыр. Байқауға Алматы қаласындағы №1,№3, №4, №6, №7 интернаттар мен «SOS Алматы балалар қалашығы» тәрбиеленушілері қатысады. Төрт түрлі өнер сайысында интернат балаларының арасынан ең үздіктер таңдалып, түрлі номинациялар бойынша жүлделі орындар беріледі. Сонымен қатар өзге де интернат балаларына «Көмек» еріктілер қозғалысының атынан түрлі сыйлықтар беріледі.