Физика-техникалық факультетінде республикалық пәндік олимпиада өтті

Бүгін әл-Фараби атындағы Қазақ ұлттық университетінің физика-техникалық факультетінде 1-3 курс студенттерінің арасында «Физика», «Астрономия» және «Ядролық физика» секциялары бойынша республикалық пәндік олимпиада өтті.

Осы олимпиаданың өтуі барысында 40-қа жуық студенттер қатысты. Оның ішінде Қазақстанның өзге өңірлеріндегі Алматы энергетика және байланыс университеті, Шәкәрім атындағы Семей мемлекеттік университеті, Х.А.Яссауи атындағы Халықаралық қазақ-түрік университеті, Қ.Жұбанов атындағы Ақтөбе аймақтық мемлекеттік университеті, М.Х.Дулати атындағы Тараз мемелкеттік университеті, Д.Серікбаев атындағы Шығыс Қазақстан мемлекеттік техникалық университеті сияқты ірі білім ордаларынан студенттері келіп қатысты.
Олимпиаданың қатысушыларын құрмет грамоталарымен және дипломдармен марапаттау шарасы наурыздың 28 жұлдызында факультетте ұйымдастырылатын болады.