2014 жылдың наурыз айының 6-сы күні Ақпараттық жүйелер кафедрасының аға оқытушысы Қожанова А.М. ұйымдастыруымен «Сыйынар ем Ана деген тәңірге» атты 8-наурыз Халықаралық әйелдер күніне арналған мерекелік концерт болды. Концерттің жақсы өтуіне Ақпараттық жүйелер мамандығының студенттері жабыла ат салысып, өз өнерлерін ортаға салды.
Мерекелік концерт Механика-математика факультетінің деканы, техника ғылымының докторы, профессор Қыдырбекұлы Алматбек Балғабекұлының құттықтау сөзімен басталып, әсем ән шашулар мен мың бұралған бимен өз жалғасын тапты. Концертті Ақпараттық жүйелер мамандығының 3 курс студенттері Курманали Мейрамгул мен Ерсұлтан жүргізді. Ақпараттық жүйелер кафедрасының аға оқытушысы Абенов Болат барлық кафедра оқытушыларына арнап өз шығармашылығын оқыды. Ақпараттық жүйелер мамандығының 2 курс студенті Әкім Азамат, Ақпараттық жүйелер мамандығының 3 курс студентері Смайлова Аида мен Смагулова Аяна, МКМ мамандығының 1 курс студенті Мекесов Шәмшінұр жарыса ән айтып, көрермендерін сүйсіндірсе, Ақпараттық жүйелер мамандығының 1 курс студенті Тасканова Ақмаржан мың бұралған биімен тамсандырды. Көңіл сергітер деп, ұстаздарға арналған ойындарды Ақпараттық жүйелер мамандығының 3 курс студенті Алатаев Абылай жүргізді. Механика-математика факултетінің көңілді жігіттері Әбдібек Темірлан, Жақсылық Аңсар КВН көрсетті. Информатика мамандығының 4 курс студенті Арыстанбек Асет ән салып, ұстаздарға гүл сыйлап мерекелік кештің сәнін кіргізді. Кеш соңында Ақпараттық жүйелер мамандығының аға оқытушысы, Қожанова А.М. және Информатика кафедрасының доценті Кабдрахова С.С. қорытынды сөз сөйлеп, өз құттықтауларын жеткізді.
Басқа жаңалықтар
