ҚазҰУ сексенінші көктемін қарсы алды

Биыл ҚазҰУ студенттерімен бірге 80-ші көктемін қарсы алды. Дәстүрлі «Студенттік көктем» байқауы биыл да барынша сән-салтанатымен өтті. Студенттік көктем- бұл студенттердің таңдаулы шығармашылық және бишілік, музыкалық, актерлық, ақындық және тағы басқа өнерлермен дараланатын байқау. Байқау үлкен бір мерекенің нышанындай. Жыл сайын ҚазҰУ студенттерінің осы мерекені ерекше қарсы алуын да баса айтқымыз келеді. Биылғы «Студенттік көктем-2014» байқауының өзіндік ерекшелігі ҚазҰУ-дың 80 жылдық мерейтойына орай байқаудың шарттарына өзгерістер еніп, әр факультет ҚазҰУ-дың әр жылдардағы тарихын сахналап шықты.

Байқау финалында елімізге белгілі өнер жұлдыздарының қазылық етуімен жүлдегерлер анықталды. Байқаудың қорытынды Гала концертінде талантымен таң қалдырған «Оза шауып бәйге алған» жеңімпаздар мараптталып, өнерлерін көрсетті.

Жүргізушілердің әсерлі сөздерінен кейін байқаудың ең тамаша кезеңі - марапаттау салтанаты басталды. Байқау нәтижесі бойынша үшінші дәрежелі орынға «Эстрадалық ән» номинациясы бойынша механика-математика факультетінің студенті Н.Құттықия, заң факультетінің студенті А. Әуелов, журналистика факультетінің студенті А.Орынбаева, «Эстрадалық топ» номинациясы бойынша филология, әдебиеттану және әлем тілдері факультетінің дуэті, «Жыр-терме» номинациясы бойынша механика – математика факультетінің студенті Ш.Мекесов, «Үздік домбырашы» номинациясы бойынша журналистика факультетінің студенті Н.Қарасай, «Скрипка және қобыз» номинациясы бойынша жоғары оқу орнына дейінгі білім беру факультетінің студенті Ж.Әкимжанова, механика-математика факультетінің студенті С.Шаймарданова, «Фортепиано» номинациясы бойынша жоғары оқу орнына дейінгі білім беру факультетінің студенті М. Нижат Гафар, «Гитара» номинациясы бойынша химия және химиялық технология факультетінің студенті Б. Белғозиев, «Жас ақын» номинациясы бойынша философия және саясаттану факультетінің студенті Б.Сайдахметов, журналистика факультетінің студенті Д.Нұрболат, экономика және бизнес жоғары мектебі факультетінің студенті Қ.Зиярат, «Вокалды-инструменталды ансамбль» номинациясы бойынша механика-математика факультеті иеленіп, оларды Қазақстан Жазушылар Одағының мүшесі, ақын Алмат Исәділ мырза марапаттады.

Жүлделі екінші орынды Халықаралық және республикалық байқаулардың жеңімпазы, жас әнші Қанат Үмбетов марапаттады. Олар «Эстрадалық ән» номинациясы боайынша биология және биотехнология факультетінің студенті Ш.Абай, экономика және бизнес жоғары мектебі факультетінің студенті Ф.Байшина, физика-техникалық факультетінің М. Абдыаримова, «Эстрадалық топ» номинациясы бойынша экономика және бизнес жоғары мектебі факультетінің студенті Қ.Тілепбергенов, «Үздік домбырашы» номинациясы халықаралық қатынастар факультетінің студенті С.Мадияр, филология, әдебиеттану және әлем тілдері факультетінің студенті Н.Шерияздан, «Скрипка және қобыз» номинациясы бойынша халықаралық қатынастар факультетінің студенті Дина Зарғали, «Гитара» номинациясы бойынша философия және саясаттану факультетінің студенті Қ.Абай, химия және химиялық технология факультетінің студенті А.Рахым, «Жас ақын» номинациясы бойынша химия және химиялық технология факультетінің студенті И.Жұманазаров, филология, әдебиеттану және әлем тілдері факультетінің студенті С.Мұхтар, «Вокалды-инструменталды ансамбль» номинациясы бойынша химия және химиялық технология факультеті, «Халықтық би» номинациясы бойынша журналистика факульетінің би тобы, шығыстану факультетінің студенті Ә.Серікбаеваларға берілді.

«Студенттік көктем-2014» көркемөнерпаздар байқауында бірінші орын алған студенттерді ҚазҰУ-дың әлеуметтік даму жөніндегі проректоры Шолпан Жаманбалаева салтанатты түрде марапттады. Бірінші орынға «Эстрадалық ән» номинациясы бойынша филология, әдебиеттану және әлем тілдері факультетінің студенті Ә. Құрметқызы, «Эстрадалық топ» номинациясы бойынша жоғары оқу орнына дейінгі білім беру факультетінің квартеті, «Жыр-терме» номинациясы бойынша химия және химиялық технология факультетінің студенті Ә.Исаева, «Үздік домбырашы» номинациясы бойынша химия және химиялық технология факультетінің студенті М.Қапар, «Скрипка және қобыз» номинациясы бойынша филология, әдебиеттану және әлем тілдері факультетінің студенті А.Гусманова, «Фортепиано» номинациясы бойынша география және табиғатты пайдалану факультетінің студенті Ж.Тойлыбаева, «Жас ақын» номинациясы бойынша филология, әдебиеттану және әлем тілдері факультетінің студенті Ә.Кәрібай, «Вокалды-инструменталды ансамбль» номинациясы бойынша филология, әдебиеттану және әлем тілдері факультеті, «Классикалық би» номинациясы бойынша халықаралық қатынастар факультетінің студенті Ә.Диканбаева, «Заманауи би» номинациясы бойынша химия және химиялық технология факультетінің би тобы, «Халықтық би» номинациясы бойынша филология, әдебиеттану және әлем тілдері факультетінің «Ұлытау» би тобы, экономика және бизнес жоғары мектебі факультеті, биология және биотехнология факультеті, халықаралық қатынастар факультеті, химия және химиялық технология факультеті, механика-математика факультеті, философия және саясаттану факультеті, география және табиғаттану факультеті, физика-техникалық факультетінің, шығыстану факультетінің би топтары және заң факультетінің «үнді» би тобы ие болды. Ал, байқаудың гран-при иегері болып химия және химиялық технология факультеті болып табылды.

Байқау жеңімпаздарын марапаттаған әлеуметтік даму жөніндегі проректор Ш. Жаманбалаева: «Барлық қатысқан талантты, жігерлі, жалынды жастарымызды ректор мен жеке өзімнің атымнан шын жүректен құттықтаймын. Сіздер жоғары дайындықпен келгендіктеріңізді көрсеттіңіздер. Байқауға елімізге белгілі өнер қайраткерлері қазылық етті. Оларға да алғысым шексіз. ҚазҰУ-дың студенттері – білім мен өнер әлемінің нағыз жалындаған жалыны іспетті. Үлгі болар істеріміз көбейсін! Мерейтой құтты болсын», - деп мерекелік көңіл-күйімен бөлісіп, ыстық-ықыласын жеткізді.

«Студенттік көктем-2014» байқауына белсенді студенттер дайындаған факультет декандары да алғыстан қалыс қалмады. Әкімшілік осы жағын да ерекше қадағалапты. Сонымен, жүлделі үшінші орынға үш факультет лайық деп танылды. Олар философия және саясаттану факультеті, факультет деканы Алия Масалимова, жоғары оқу орнына дейінгі білім беру факультеті, факультет деканы Жарылқасын Жаппасов, физика-техникалық факультеті, факультет деканы Асқар Давлетовтер бейнекамера сертификатына ие болды. Ал, жүлделі екінші орынға екі факультет халықаралық қатынастар факультеті, факультет деканы Каримжан Шакиров, экномика және бизнес жоғары мектебі, факультет деканы Баян Ермекбаева ие болып, факультет жеңімпаздарына ноутбук тарту етті. Жүлделі бірінші орынға филология, әдебиеттану және әлем тілдері факультеті, факультет деканы Гүлмира Қазыбек ие болып, факультет жеңімпазына проект табыстады. Ал, осындай керемет байқаудың гран-при иегері химия және химиялық технология факультеті болып табылды. Факультет деканы Ердос Оңғарбаевқа led экранды теледидар тарту етті.

ҚазҰУ студенттерінің қатысуымен өткен байқаудың тәрбиелік мәні өте зор. Ол жастарды өнерге, дарынын ұштай білуге, талантын таса етпеуге шақырады, оларды барынша қолдайды. Жоғарыда аталған барлық жеңімпаз студенттер сол сөзіміздің дәлелі іспетті. Әл-Фараби бабамыздың өзі «Қайырымды қала тұрғындарында» барлық ізгі қасиеттерді, өнер мен білімді, оған керек жылы жүректі баяндайды. Cтуденттер өз қалашығының нағыз ақылды азаматтары екендігін көрсете білді.