Республикалық олимпиаданың нәтижесі белгілі болды

Халықаралық қатынастар факультетінде «Аймақтану» мамандығы бойынша Республикалық пәндік олимпиада өтті. Олимпиадаға әл-Фараби атындағы ҚазҰУ «Болашақ идеясы» мен «Қыран», Л.Гумилев атындағы ЕҰУ «Еуразия арыстандары» мен «Евразия», Қостанай мемлекеттік университетінің «Васаби», ҚазХҚӘТУ «Жалын» мен «Тұлпар», ҚазЕӘҚА «КазАТИСО», ХБА «Актор» мен «Eurasian culture integration» командалары қатысты.

Олимпиада тақырыбы ҚазҰУдың 80-жылдық мерейтойы және Еуразиялық Одақ бастамасының құрылуына 20-жыл толуына орайластырылды. Олимпиада бағдарламасына «Еуразия» аймағының презентациясы, саяси қайраткерлер, ұлттық костюмдер, аймақтың белгілі жерлері және т.б.тақырыптарда викторина енді. Жалпы олимпиадаға 10 команда және 50-ге жуық студент қатысты.

Олимпиада қорытындысы бойынша І дәрежелі дипломымен ҚазҰУ «Болашақ идеясы» командасы, ІІ дәрежелі дипломымен ҚазҰУ «Кыран» және Л.Гумилев атындағы ЕҰУ «Еуразия арыстандары» командалары марапатталса, ІІІ дәрежелі дипломымен ХБА «Eurasian culture integration», ҚазЕӘҚА «КазАТИСО» және Л.Гумилев атындағы ЕҰУ «Еуразия» командаларына бұйырды.

Халықаралық қатынастар факультеті