Аудармашылар сайысы өтті

2 сәуірде әл-Фараби атындағы ҚазҰУ-дың аударма теориясы және әдіснамасы кафедрасындағы «Tarzhiman club» жас аудармашылар клубының ұйымдастыруымен «ХХІ ғасыр аудармашысы» атты аудармашылар сайысы өтті.

Аударма ісі бөлімінің 1-3 курс студенттері «ХХІ ғасыр аудармашысы» атағын иелену үшін түрлі тапсырмалар орындап, күрделі сұрақтарға жауап берді. «Tarzhiman club» жетекшісі Л.Мұсалы сайысты қорытындылап, белсенді студенттерге мақтау қағаздар тапсырды. «ХХІ ғасыр аудармашысы» мақтау қағазын 1 курс студенті Елнұр Әдихан иеленді. Сайыс болашақ аудармашылар үшін қызықты да пайдалы шара болды.