Гаухар Мұқашева ең үздік эдвайзер атанды

Физика-техникалық факультетінде «Мәслихат» студенттік өзін-өзі басқару ұйымының ұйымдастыруымен «Супер эдвайзер» атты эдвайзерлер сайысы өтті.

Бұл сайыстың басты мақсаты білім саласында озық жетістіктерімен көзге түсіп жүрген куратор эдвайзерлердің арасынан өнерін, тапқырлығын, әртістік қабілеттілігін, шапшаңдығын, ептілігін, сөйлеу мәнерін ұштастыра білетін ең үздігін анықтау. Сайыс барысында озық шығып отырған тамаша сайыскерлер бірден көзге түсіп, көрермендер көзайымына айналып үлгерді.

Қызықты сәттерге толы сайыстың қорытындысы бойынша «Ең үздік эдвайзер» «Жылуфизика және техникалық физика» кафедрасының оқытушысы Гаухар Мұқашева болып танылды. Сайыс өте әділ әрі жоғары деңгейде өтті. Сайыс соңында көрермендер де, жанкүйерлер де, сайыс қатысушылары да өз ризашылықтарын, топ студенттері сайысқа қатысқан куратор-эдвайзерлеріне тілектерін білдірді.

Физика-техникалық факультетінің ең үздік эдвайзері Гаухарға шабытты шығармашылық, жарқын жетістіктер тілейміз! Еңбегің жана берсін!

Жылуфизика және техникалық физика кафедрасының ұжымы