ҚазҰУ-ға Ахи Эвран университетінің ректоры, профессор Құдрет Сайлам келді

21 сәуірде әл-Фараби атындағы ҚазҰУ-дың Бірінші проректоры, профессор М.Бүркітбаев Ахи Эвран университетінің ректоры, профессор Құдрет Сайламмен (Түркия) кездесті.

Кездесудің мақсаты – әл-Фараби атындағы ҚазҰУ мен Ахи Эвран университеті арасында Түркия Кеңесімен қаржыландырылатын Мевлана шәкіртақылық алмасу бағдарламасы арасында ынтымақтастық орнату туралы Хаттамаға қол қою болып табылады.

Алмасу туралы хаттама тараптар арасында бизнес басқару, халықаралық қатынастар және түркітану бағыттары бойынша студенттер мен оқытушы-профессорлар құрамымен алмасу жұмысын ұйымдастыруды көздейді.

Ахи Эвран университеті Түркияның жас ғалымдар мен мамандарды дайындайтын мықты ғылыми-зерттеу базасы бар негізгі және қарқынды дамып келе жатқан жоғары оқу орындарының бірі болып табылады.

ХЫД