ҚазҰУ ғалымдары Бішкек қаласында өткен халықаралық семинарға қатысты

әл-Фараби атындағы ҚазҰУ жанындағы Абай ғылыми зерттеу институты Халықаралық Айтматов академиясымен және Қырғызстан Республикасы ҰҒА Ш.Айтматов атындағы Тіл және әдебиет институтымен бірлесе отырып, 2014 жылы 18-19 сәуірде Бишкек қаласында «Мәдениетаралық коммуникация және компаративистика» атты халықаралық ғылыми семинар өткізді.

«Мәдениетаралық коммуникация және компаративистика» атты халықаралық ғылыми жоба аясында ұйымдастырылған семинар жұмысына Абай ғылыми зерттеу институтының директоры, профессор Ж.Дәдебаев төрағалық етті. Халықаралық Айтматов академиясының президенті, Ш.Айтматов атындағы Тіл және әдебиет институтының директоры А.Ахматалиев бастаған қырғыз ғалымдары және әл-Фараби атындағы ҚазҰУ-дың бір топ ғалымдары қатысқан ғылыми жиында мәдени және әдеби байланыстардың, көркем аударманың өзекті мәселелері кеңінен қозғалды.

Абай ғылыми зерттеу институты ұйымдастырған халықаралық деңгейдегі семинардың ғалымдар үшін пайдалы болды.