"Айқын" республикалық қоғамдық-саяси күнделікті газет

Global Class ашылады

15 мамырда әл-Фараби атындағы ҚазҰУ Шығыстану факультетінде 543 аудиторияда Корей қорының гранттық қолдауымен корейтану және жапонтану кафедрасында Global Class-тың ашылу салтанаты өтеді.
Global Class – бұл аудитория онлайн видео-дәрістерін, видео-конференциялар мен семинарлар өткізу үшін арнайы жабдықталған. Онлайн арқылы оқып білім алу қазіргі заманауй білім ағартудағы басты тренд. Оның артықшылығына тиімді білім алудың жоғарлығын, дәстүрлі күндізгі оқытуда жұмсалатын қаржыны азайту, оқуға кететін шығындарды барынша төмендету және білім алмасуды жақсарту сияқты мүмкіндіктерді жатқызуға болады.

2013 жылдан бері әл-Фараби атынд. ҚазҰУ корейтану және жапонтану кафедрасы Ханян Университетімен (Корея Республикасы) бірігіп Корей қорының қаржылай қолдауымен “Global e-School” онлайн оқыту жобасын жүзеге асырып келеді. 2013 жылдың наурыз айынан бастап осы уақыт аралығында Ханян университеті, Кореяның шет елдік зерттеулер университеті (HUFS), Йонсей университеті сияқты жетекші корей университеттерінің профессорлары корей және ағылшын тілдерінде бес курсты оқыды: «Business Korean», «Korean Art and Philosophy» «Korean Language and Korean Culture» «K-culture: Modern Korean Cultural Contents», «Korea Economic Development». Шығыстану және халықаралық қатынастар факультетінің шамамен 40 студенті атталған курс шеңберінде оқудан өтіп, тиісті сертификаттар алды.