"Қазақпарат" халықаралық ақпарат агенттігі

АЛМАТЫ. ҚазАқпарат - Бүгін Алматыда әл-Фараби атындағы ҚазҰУ-дың 80 жылдық мерейтойына арналған онкүндік аясында «Ақсақалдар - асыл қазынам» атты салтанатты жиын өтуде. Онда университеттің ғылыми және педагогикалық қызметінің ардагерлеріне құрмет көрсетіледі.

Әл-Фараби атындағы ҚазҰУ қызмет атқарған және еліміздің дамуына үлес қосқан, оның қалыптасуы мен гүлденуінің басында тұрған тұлғалардың орны ерекше екені анық. Олар өздерінің қажырлы ғылыми-педагогикалық қызметінің нәтижесінде өзіндік ғылыми мектептің негізін қалап, тұтастастай бір ұрпақтар легін тәрбиелеп шығарды.

Жиын барысында ардагерлер университеттің 80 жылдық мерейтойы қарсаңында жеткен табыстары туралы арнайы фильмді тамашалады. Сонымен қатар, жиын соңында «әл-Фараби атындағы ҚазҰУ-дың 80 жылдық» мерейтойлық медалімен марапатталады. Одан басқа, қадірлі ұстаздар университеттегі жаңа инфрақұрылымдық нысандармен, атап айтқанда студенттерге қызмет көрсетудің жаңа үлгісі болып табылатын «Керемет» жастар ресурстық орталығының жұмысымен, «әл-Фараби» мұражайымен танысады.