Санжар Керімбаймен «Дәстүрлі тәрбие – өмірге деген құштарлық» деген тақырыпта кездесу

2014 жылдың 21 қараша күні қытайтану кафедрасы мен арабтану және ирантану кафедрасының ұйымдастыруымен жастар арасындағы суицидтің алдын алу мақсатында, «Айналаңды нұрландыр» жобасы аясында «Әлдиден эпосқа дейін» және «Салт-дәстүр сөйлейді» кітаптарының авторы Санжар Керімбаймен «Дәстүрлі тәрбие – өмірге деген құштарлық» деген тақырыпта кездесу өтті. Кездесуге факультеттің оқытушы-профессорлары, докторанттар, магистранттар және студенттер қатысты.
Санжар өмірлік тәжірибесінен қарапайым мысалдар келтіре отырып, бүкіл өмірін "өмірдің мәні не?" деген сұраққа жауап іздеуге арнаған атақты психолог Виктор Франклдің өмірі мен оның ұсынған ілімі - логотерапия жайлы әңгіме өрбітті. Бүгінгі ақпараттық-технологиялар заманының адам баласына әкелген түрлі әлеуметтік стрестерінен торығулар мен күйзелістерге ұшыраған жастарға мұндай жағдайдан шығудың жолы ұлттық-дәстүрлі тәрбиеде жатқанын нақты мысалдармен айтып берді. Кездесуге қатысқандар риза болып тарқасты.