ҚазҰУ студенттері ҚР Парламент Мәжілісінің депутаты Қ. Сұлтановпен кездесті

ҚР Парламенті Сенатының депутаты, Халықаралық қатынастар, қорғаныс және қауіпсіздік комитетінің мүшесі Қуаныш Сұлтанов«Тұрағы бір, ұраны бір, бүгіні - берен, ертеңі - ерен еркін ел» атты тақырыпта университеттің оқытушы-профессорлық құрамы мен студенттерге дәріс оқыды.

Кездесу Қазақстан Халқы Ассамблеясының құрылғанына 20 жылдығына орай ұйымдастырылды. Жиынға университет ректоры академик Ғ. Мұтанов, "Қазақ газеттері" ЖШС бас директоры Ж. Кенжалин, ҚР Президенті баспасөз қызметінің Алматы бюросының жетекшісі В. Жандаулетов, танымал жазушы Р. Сейсенбаев, "Мысль" журналының бас редакторы С. Құттықадам, Қазақстан Журналистер Академиясының Президенті С. Қозыбаев және т.б. қонақтар қатысты.

Кездесу қызықты әрі мазмұнды өтті. Қатысушылар Елбасының бастамасымен құрылғанҚазақстан Халқы Ассамблеясының маңыздылығын, елдегі бейбітшілік пен келісімді сақтаудағы рөлін талқылады.

"Біздің республикамыздың халықтары бірігіп, достықты сақтап қалды, бірге қиындықтар мен қуанышты сәттерді бөлісті. Қазақстан жаһандық масштабта бірлік пен толераттылықтың үлгісі ретінде танылған, себебі мемлекеттік саясаттың принциптерінде барлық ұлт пен этнос өкілдерінің құқықтары тең және барлық конфессиялардың қызметіне де ыңғайлы жағдай жасалған", - деді өз сөзінде Қуаныш Сұлтанов.

Халық қалауы: "Депутат сонымен қатар еліміздің тарихын зерттеу керектігіне, қазақ халқының салт-дәстүрі мен қазынасын сақтап қалу керектігін айтты. "Осы жылы біз Қазақ хандығының 550-жылдығын тойлаймыз. Қазақ халқы туған жеріне ие болғалы да бес ғасырдан аса уақыт өтті. Сонау ғасырлардан бастау алатын, біздің ата-бабаларымыз негізін қалаған мемлекет ретінде қалыптасу идеясы, заманауи Қазақстанның тәуелсіздігін алғаннан бастап шынайы іске аса бастады. Сіздер, жас ұрпақ, ел ертеңісіздер және еліміздің болашағы да сендердің қолдарыңда", - деді.

Кездесу соңында студенттер журналистік жұмыстың қиындығы туралы, жазушылық және депутаттық қызмет жайында сауалдарын қойып, қонақтарға қызықты кездесу үшін алғыс білдірді. Университет ректоры Ғалым Мұтанов университет түлегі Қуаныш Сұлтановты "әл-Фараби атындағы ҚазҰУ-ға - 80 жыл" алтын төсбелгісімен марапаттады.