ҚазҰУ-да білім берудегі жаңа инновациялық әдістер туралы конференция өтеді

2015 жылдың 20 ақпанында сағ. 9.00 – 18.00 аралығында ҚазҰУ-да Біліктілікті арттыру институтының қолдауымен Алматы қаласы Абай атындағы республикалық мамандандырылған дарынды балаларға арналған қазақ тілі мен әдебиетін тереңдетіп оқытатын орта мектеп-интернаты және қаладағы «Дарын» мектептері мұғалімдеріне арналған «Білім берудегі жаңа инновациялық әдістер: дағдылар, технологиялар» атты республикалық ғылыми-тәжірибелік семинар өтеді.

Семинар қазақ және шет тілдері мен әдебиеті, этнопедагогика және білім берудегі тұлғааралық коммуникация атты модульдардан тұрады.

Шеберлік сыныптары мен семинарларды ҚазҰУ баспасөз және электронды БАҚ, жалпы тіл білімі және шетел филологиясы, жалпы және этникалық педагогика кафедраларының профессор-оқытушылары жүргізеді.

Семинар нәтижесінде қатысушыларға біліктілік арттыру туралы сертификат беріледі.

Толық ақпарат алу үшін: баспасөз және электронды БАҚ кафедрасы +77273 773334 (ішкі 1351), Алмагүл Құрманбаева 8707 266 92 54, Жібек Ноғайбаева 8707 885 9126.

Баспасөз және электронды БАҚ кафедрасы