«Педагогикалық мерзімді басылым Қазақстандағы білім беру реформаларының айнасы ретінде»

2014 жылдың 20 қарашасында «Педагогикалық мерзімді басылым Қазақстандағы білім беру реформаларының айнасы ретінде» тақырыбында халықаралық қонақтардың қатысуымен республикалық дөңгелек үстел өтті.Ұйымдастырушылар – философия және саясаттану факультеті, жалпы және этникалық педагогика кафедрасы. Дөңгелек үстел «Ашық мектеп» республикалық журналы мен ҚазҰУ журналистика факультетінің қолдауымен ұйымдастырылды.

Мәжілісте философия және саясаттану факультетінің деканы А.Р. Масалимова, педагогика кафедрасының меңгерушісі А.К. Мынбаева, «Ашық мектеп» журналының бас редакторы Л.А. Попова, Бегалин атындағы мемлекеттік балалар кітапханасының директоры С.К. Раева, Бургасс еркін университетінің PhD докторы И. Дерижан, «Білім беру әлемінде» журналының бас редакторы К.Ж. Аганина, «Қазақстан ПҒА Хабаршысының» бас редакторының орынбасары А.А. Булатбаева, этнопедагогика және этнопсихология орталығының директоры К.Ж. Кожахметова, №32 мектептің мұғалімі З.Ш. Бердигожина, баспа және электронды БАҚ кафедрасының меңгерушісі Г.С. Султанбаева сөз сөйледі.

Дөңгелек үстелге қатысушылар арасында педагогикалық мерзімді басылымдарды жетілдіруге қатысты да, білім беру жүйесін реформалау саласында да қызықты пікірлермен алмасып, тиімді диалог болды. Дөңгелек үстелдің материалдары «Ашық мектеп» журналында және «ҚазҰУ Хабаршысы. Педагогика ғылымдары» сериясында жарияланады.