ҚазҰУ түлегі, аударматанушы Н.Сағындықовамен кездесу өткізілді

ҚазҰУ-да филология, әдебиеттану және әлем тілдері факультеті аударма теориясы және әдіснамасы кафедрасының ұйымдастыруымен университет түлегі, белгілі аударматанушы ғалым, ҚР ҰҒА Р.Сүлейменов атындағы Шығыстану институтының профессоры Нағима Сағындықовамен шығармашылық кездесу өтті.

Н.Сағындықова аудармашы мамандығының ерекше мәртебе екенін атап өткен кәсіби аудармашы Қожа Ахмет Яссауи туындыларын тәржімалау тәжірибесімен бөлісіп, болашақ аудармашыларға пайдалы ақыл-кеңесін айтты, студенттердің сұрақтарына жауап берді. МәшҺүр-Жүсіп Көпеев еңбектерінің орыс тіліне өзі аударған жинағын студенттерге тарту етті.

«Аударма ісі» бөлімі студенттерінен құрылған «TARZHIMANclub» жас аудармашылар клубы аударматанушы шығармашылығы бойынша дайындаған қойылым көрсетті. Клуб жетекшісі, доцент Ләйла Мұсалы бұл кездесудің болашақ аудармашылар үшін өте пайдалы болғандығын, кәсіби кеңестер алғандығын атап өтті.

Кафедра меңгерушісі Ә.С.Тарақов кешті қорытындылап, Нағима Жәлелқызына зор денсаулық, отбасылық қуаныш тіледі.

Аударма теориясы және әдіснамасы кафедрасы