"Қазақ әдебиеті" газеті

«АЙНАЛАҢДЫ НҰРЛАНДЫР!»

Шараны журналистика факультетінің оқытушысы, ақын Бауыржан Әлқожа жүргізді. Бұл кездесудің студенттер қауымына қалдырған әсе­рі мол. Қатысушылар қанат­та­нып, рухтанып шық­ты. Кездесу өте қызу, аудиторияның бел­сенді қа­тысуымен өтті. Жанарбек Әшімжан студенттік өмі­­ріндегі қызықты оқиғалардан бастап, тұстастары мен ұс­таз­дары жөнінде, журналистиканың қыр-сыры жайында мазмұнды әңгіме өрбітті. Факультет сту­денттері Жанарбек Әшімжанның жеке шығар­ма­шылығындағы өлеңдерді мә­нерлеп жатқа оқып бер­ді. Кейіннен кездесу аудиториямен бай­ланыс ор­натумен жалғасты. Әр түрлі сұрақтар қойылып, олар­ға тағылымды жауаптар алынды. Әрі ақын аға­мыз­дың өзі оқы­ған өзекті өлеңдерін тебірене тың­дадық. Белсенді қа­тысу­шыларға қаламгердің жаңа кітабы «Панда жылаған жаз» тарту етілді. Жалпы, кездесу журналистика факультетіндегі барлық тұл­ғаларға оң әсерін тигізді. Бәріміз бір серпіліп, қор­­жынымызды жаңа ақпаратқа толтырып қайттық. Кез­десу соңында ақынға журналистика фа­куль­тетінің деканы Са­ғатбек Медеубек ұжым атынан рах­мет айтып, «Алғыс хатпен» марапаттады.
Айжан ШАКЕНОВА,
ҚазҰУ-дің ІІ-курс студенті.