Халықаралық қатынастар факультетінде жапон тілінен шешендік өнер сайысы өтті

17-ші Қазақстандық жапон тілінен шешендік өнер сайысы өтті. Сайыс Жапон тілі оқытушыларының қазақстандық қауымдастығы, әл-Фараби атындағы ҚазҰУдың ұйымдастыруымен, ҚР-ғы Жапония Елшілігі, ҚР-ғы жапондықтар қауымдастығы, ҚР-ғы жапондық бизнесмендердің қауымдастығының қолдауымен өтті.

Жапон тілінің шешендікөнер сайысының мақсаты – тілге деген оқушылардың қызығушылықтарын жоғарылату, Жапония мен Қазақстан арасындағы мәдени байланысты тереңдету, сонымен қатар аймақта жапон тілін тарату, дамыту. Сайыстың ережесі бойыншақатысушыөзі таңдаған еркін тақырыпта шығарма жазып, жаттап, сайыста осы шығармасы бойынша 5 минут сөйледі.Сайыскерге тақырыбына байланысты 2 сұрақ қойылып, өнерлерін жергілікті оқытушылардан және еліміздегі жапондықтардан құралған қазылар алқасы бағалады.Қатысушыларды сұраққа жауап беруіне, шешендік өнеріне, тақырыбының мазмұнына сәйкес бағаланды.Жеңімпаздар ОртаАзия мемлекеттерінің арасында өтетін шешендік өнер сайысына қатысу мүмкіншілігіне ие болды.Жүлделі орындарға ие болғандар бағалы сыйлықтары мен жапон тілі электронды сөздіктері, жапон тілінің оқу құралдары табыс етілді.

Таяу Шығыс және Оңтүстік Азия кафедрасы