ҚазҰУ-да Корейтану апталығы өтті

әл-Фараби атындағы ҚазҰУ-дың шығыстану факультетінде жыл сайын өтетін «ҚазҰУ-дағы корейтану апталығының» ашылу салтанаты, Алматыдағы Корей білім беру орталығының қолдауымен өтті.

«Апталықты» Қиыр Шығыс және Оңтүстік Азия кафедрасындағы корейтану бөлімінің меңгерушісі, профессор Ли Бенг Джо мырза салтанатты түрде ашты. Бірінші болып «Корея туралы біз не білеміз?» брейн-ринг интеллектті шоуы өтті. Ұйымдастырушы-студенттер Оңтустік Кореяның тарихы және бүгінгі заманына байланысты сұрақтар дайындады. Аталмыш іс-шараға 1 және 2 курс студенттері қатысты, барлығы 40 адам. Жеңген студенттерге жүлделі орындар мен сыйлықтар таратылды. Келесі кезекте ҚазҰУ құрама командасының қатысуымен «Корея туралы біз не білеміз?» атты университетаралық сайыс өтеді, бұл сайыста жыл сайын дәстүрлі түрде ҚазҰУ құрама командасы жеңіске жететін, сондықтан осы жылда да ҚазҰУ құрама командасына сәттілік тілейміз!