2023 жылғы 11 қазанда "6В12301 – құқық қорғау қызметі" білім беру бағдарламасы бойынша 111 топтың студенттері куратор-эдвайзер – қылмыстық құқық, қылмыстық процесс және криминалистика кафедрасының аға оқытушысы Даубасова Сулушаш Шинжрхановнамен бірге Kinopark IMAX (Есентай) залында "Міржақып. Оян, қазақ!" Қазақтың ұлт зиялысы, “Алаш Орда" үкіметінің мүшесі, қазақты ел болып дамуы үшін қызмет жасаған, қазақ әдебиетінің негізін салушы, қазақ әдебиетіндегі алғашқы романның авторы, кеңестік қуғын-сүргін жылдарында, қазақтың басына төнген қиын-қыстау, тар заманынын көрсететін қазақ зиялылары атқарған қызметтері мен көрген қиыншылығы мен өткен жолдары туралы түсірілген фильмді көруге барды.
Картина жазушы Міржақып Дулатовтың өмірі туралы баяндайды және 1909-1935 жылдардағы Қазақстандағы тарихи оқиғаларды қамтиды: 30-шы жылдардағы ашаршылық, "Алаш Орда" қозғалысы мен оның көшбасшыларының қызметі.
.jpeg)
Киноны көрген студенттерге үлкен эмоционалды тұрғыда әсер етіп, оны студенттер фильмді көргеннен кейінгі қызу талқылау мен жүздеріндегі эмоциядан байқалып жатты.
"Салауатты өмір салты және салауаттылық" ТДМ №3 шеңберінде өткізілген іс-шараның негізгі мақсаты - жастардың бойында патриоттық рухты, елге, жерге, Отанға деген сүйіспеншілікті, халыққа адал махаббатпен шынайы қызмет ету, қоғамдық мақсаттарға қол жеткізуде жанқиярлық пен табандылықты, қайтпас қайсарлықты қалыптастыруға ықпал ету, іске асырылды.
Басқа жаңалықтар
