ҚазҰУ студенті «Бірлік» атты әр ұлттың әндері арасындағы байқауда жеңімпаз атанды

2015 жылғы 21 наурызда «Нұр Отан» партиясы Бостандық аудандық филиалының ұйымдастыруымен өткен Қазақстан халқы ассамблеясының 20 жылдығына орай «Бірлік» атты әр ұлттың әндері арасындағы байқауда ҚазҰУ-дың филология, әдебиеттану және әлем тілдері факультетінің 4 курс студенті Хмелевская Валерия жеңімпаз атанды.

Валерия байқаудың 1 кезеңінде мемлекеттік тілде «Туған жер» әнін, ал 2 кезеңде орыс ұлтының өкілі болғандықтан «Мотылек» әнін орындап, әсем дауысымен елді тәнті етті. ҚазҰУ-дың атынан қатысып отырған Валерия әділ-қазылар алқасының шешімі бойынша ерекше көзге түсіп жүлделі бірінші орынды қанжығасына байлады. Кеш соңында жеңімпаздар Қазақ хандығының тарихы кітабымен, Шәмші Қалдаяқовтың әндер жинағының күйтабағымен және бағалы сыйлықтармен марапатталды.